२०८२, १५ बैशाख सोमबार

काङ्ग्रेसलाई नआत्तिन सांसद बस्नेतको सुझाव

काङ्ग्रेसलाई नआत्तिन सांसद बस्नेतको सुझाव


धुलिखेल, १० फागुनः नेकपाका नेता महेश बस्नेतले नेपाली काँग्रेसलाई नआत्तिन आग्रह गरेका छन् । शनिबार काभ्रेको नमोबुद्ध नगरपालिका वडा नम्बर ९ मा ग्याल्बो ल्होछार कार्यक्रममा सहभागि हुन पुगेका उनले मुलुक समृद्ध बन्ने बाटोमा अघि बढेको भन्दै नआत्तिइ सहयोग गर्न काँग्रेसलाई आग्रह गरे । ‘मुलुकले काँचुली फेर्दै गर्दा सबैको साथ सहयोग पक्कै पनि आवश्यक पर्छ, यसमा प्रमुख प्रतिपक्ष दलको पनि मुख्य दायित्व हो, उनले भने तर अहिले काँग्रेस आत्तिएको छ, आत्तिनु पर्दैन्, मुलुकले सहि गति लिइसक्यो ।’

नेता बस्नेतले आफ्नो समर्थक र शुभेच्छुकलाई कुनै पनि घटनाबाट विचलित नहुन पनि अनुरोध गरे । ‘राजनीति गर्ने ब्यक्तिलाई बदनाम गराउने उद्देश्यले केहि घटना बेला बेला बाहिर आइरहन्छन्, यसलाई आधार मानेर कहिल्यै विचलित नहुनोस्, उनले भने ‘यो विकास र समृद्धिको अभियानमा हामी सबै जोडिनुपर्छ, सबैको एकताबद्धले मात्रै मुलुक फेरिने हो ।’

नेता बस्नेतले एमसिसि परिमार्जन सहित पारित हुने दाबी गरे । ‘यसका केहि बुँदाहरु हेरफेर हुन्छन्, यो कसैले विरोध गर्दैमा रोकिने भन्ने छैन, उनले भने विरोधका लागि विरोध गर्नुको कुनै औचित्य छैन, मुलुकको हितका लागि कोहि कसै काम गर्छु भनेर आउँछ भने दिनुपर्छ ।’

कार्यक्रममा पूर्व उर्जाराज्यमन्त्री सूर्यामान दोङले भ्रष्टचारमुक्त समाजको परिकल्पनाका साथ नेकपा अघि बढेको भन्दै, कम्युनिष्ट पार्टीलाई बदनाम गराउन विभिन्न तत्व सक्रिय रहेको बताए । ‘हामीलाई राम्रोसँग थाहा छ, देशमा परिवर्तन ल्याउने भनेकै कम्युनिष्ट पार्टीले हो, कम्युनिष्टको लोकप्रियता घटाउन अनेक प्रपञ्च रचिएको छ, उनले भने ‘ढुक्क हुनोस् मुलुकले फड्को मारेरै छोड्छ ।’

कार्यक्रममा बागमती प्रदेश सांसद चन्द्र लामाले संस्कृतिलाई विस्कृतिका रुपमा ब्याख्या गर्न नहुने बताए । उनले संस्कृतिलाई गलत ढंगबाट विश्लेषण गर्दा बाह्य हस्तक्षेप बढ्ने भन्दै संस्कृति जोगाउन आ–आफ्नो क्षेत्रबाट सबैले काम गर्नुपर्नेमा जोड दिए ।

प्रकाशित मिति : २०७६, १० फाल्गुन शनिबार  ४ : ४४ बजे

शिक्षा ऐन तत्काल जारी गर्न महासंघको आग्रह

काठमाडौं: राष्ट्रिय शिक्षक महासंघको नेतृत्वमा जारी आन्दोलनले शिक्षा क्षेत्रमा गम्भीर

सिन्धुलीका सामुदायिक विद्यालयमा लुकिछिपी विद्यार्थी भर्ना !

सिन्धुली: वर्तमान सरकारका विरुद्ध राजधानी केन्द्रीत सडक संघर्षमा होमिएका सिन्धुलीका

शिक्षक आन्दोलनले सामुदायिक विद्यालय सुनसान

सुर्खेत । शैक्षिक सत्र सुरु भएसंगै विद्यार्थी भर्ना अभियानसंगै सामुदायिक

इच्छाशक्ति भएमा अत्यावश्यक सामग्रीको आयात नियन्त्रण गर्न सकिन्छ : मन्त्री भण्डारी

काठमाडौं । उद्योग, वाणिज्य तथा आपूर्ति मन्त्री दामोदर भण्डारीले उद्योगीहरूमा

धार्मिक र पुरातात्विक महत्व बोकेको टोखाको बिस्का जात्रा (फोटो फिचर)

काठमाडौं । ऐतिहासिक, धार्मिक र पुरातात्विक महत्व बोकेको टोखाको बिस्का