धुलिखेल, २९ माघः काभ्रेको पनौती नगरपालिका न्यायिक समितिले आफना नगरमा सुचिकृत मेलमिलापकर्ताको बृहत् भेला सम्पन्न गरेको छ । बुधबार नगर प्रमुख भिम न्यौपानेको प्रमुख आतिथ्यता एवं न्यायिक समिती सयोजक तथा उपप्रमुख गिता बन्जाराको अध्यक्षतामा सम्पन्न भेलामा न्यायिक समिती सदस्य मधुकृस्न श्रेष्ठ र निला अधिकारी एवं कानुनी सल्लाहकार प्रदिप सापकोटाले मेलमिलापकर्ताहरुलाई न्यायिक समिती, मेलमिलापकर्ताको आचरण, भुमिका, काम, कर्तव्य, अधिकार, मेलमिलापकर्ता र न्यायिक समितिको सम्बन्ध लगायतका बिषयमा सहजीकरण गरेका थिए ।

कार्यक्रमका प्रमुख अतिथी नगर प्रमुख भिम न्यौपानेले आफ्ना व्यबहार, आचरण र कार्यशैली असल बनाउन सुझाब दिदै सामाजिक उत्तरदायित्व बोध हुनुपर्नेमा जोड दिए । उनले स्वयमसेबी रुपमा लागि परेका मेलमिलापकर्ताहरुलाइ नगरपालिकाले आबश्यक सहयोग गर्ने प्रतिबद्धता व्यक्त गर्नुभएको थियो ।

नयाँ सुचिकृत भएका १५ जना मेलमिलापकर्ताहरुलाई न्यायिक समितिका संयोजक गिता बन्जाराले सपथ ग्रहण गराएकी थिइन । भेलामा सहभागी मेलमिलापकर्ताहरूले न्यायमा नगरबासीको पहुँच पुर्याउन मद्दत गर्ने बताएका थिए ।