धुलिखेल, २७ माघः जिल्ला प्रशासन कार्यालय काभ्रेमा विदेश जानका लागि राहदानी बनाउनेको संख्या बढ्दो क्रममै रहेको पाइएको छ । चालु आर्थिक वर्षको पुस मसान्तसम्म जिल्ला प्रशासन कार्यालयबाट ५ हजार ९ सयले एमआरपी बनाएका छन भने प्रशासन कार्यालयको सिफारिसमा राहदानी विभागबाट १ हजार ९ सय ५० जनाले एमआरपी बनाएका छन् ।

यो वर्ष सबैभन्दा बढी कात्तिक महिनामा ९ सय ६२ जनाले एमआरपी बनाएका छन् । अघिल्लो वर्ष सोहि महिनामा ६ सय १४ जनाले बनाएका थिए । सबैभन्दा कम पुस महिनामा ८ सय ४ जना जिल्ला प्रशासन कार्यालयबाट एमआरपी लिएका छन भने द्रृत माध्यम मार्फत साउन महिनामा २ सय ६५ जनाले बनाएका छन् ।

चालु आर्थिक वर्षको ७ महिना बित्तिसक्दा जिल्ला प्रशासन कार्यालय काभ्रेले एमआरपी बनाए बापत २ करोड ५९ लाख ७६ हजार रुपैयाँ राजस्व संकल गरेको छ । अघिल्लो आर्थिक वर्षमा ४ करोड ५८ लाख ५ सय रुपैयाँ राजस्व रकम एमआरपीबाट उठेको थियो ।

बित्तेको सात महिनामा जिल्लामा वंशजका आधारमा ५ हजार ४ सय ८३ जनाले नयाँ नागरिकता लिएका छन् । दुई जनाले वैवाहिक अंगिकृत नागरिता लिएका छन । भने ३ हजार ५ सय ९३ जनाले नागरिकताको प्रतिलिपि लिएको जिल्ला प्रशासन कार्यालय जनाएको छ ।