धुलिखेल, १३ माघः काभ्रे मण्डनदेउपुर नगरपालिकाले दुई वटा वडाका अपाङ्गता भएका ब्यक्तिलाई न्यानो कपडा वितरण गरेको छ । पालिकाले सोमबार वडा नं ५ र ६ मा सिरक, ज्याकेट र न्यानो टोपी वितरण गरेको नगर प्रबक्ता डिल्लीप्रसाद आचार्य जानकारी दिए ।
वडा नं ५ का सात र वडा नं ६ का चार गरी ११ जनालाई न्यानो कपडा बितरण गरिएको हो । यस अघि नगरपालिकाले वडा नं १, २, ३, ४, १० र ११ मा बितरण गरेको थियो ।
बाँकी रहेका ७, ८, ९ र १२ नम्बर वडाका अपाङ्गता भएका ब्यक्तिलाई पनि छिट्टै न्यानो कपडा बितरण गर्ने प्रवक्ता आचार्यले बताए । नगरपालिकाले रातो कार्ड पाएका अपाङ्गता भएका व्यक्तिलाई न्यानो कपडा वितरण गर्दै आइरहेको छ ।
प्रतिक्रिया