धुलिखेल, १२ माघः काभ्रेको पाँचखाल नगरपालिकामा आँखा उपचार केन्द्र सञ्चालनमा ल्याइएको छ । युवा व्यवसायी एवं नेपाल आँखा अस्पताल बाह्य शाखा सञ्चालक कल्याण ढुंगानाले पाँचखाल नगरपालिका वडा नम्बर ४ समाजकल्याण चोकमा आँखा उपचार केन्द्र स्थापना गरेका हुन् ।

आँखा उपचार केन्द्रको नगरका प्रमुख महेश खरेलले उद्घाटन गर्दै विदेश तथा शहरमा रहेका युवाहरु गाउँमा आएर व्यवसाय र सेवामा लाग्न जरुरी रहेको बताए । समृद्ध पाँचखाल नगर बनाउन सबैको साथ आबश्यक रहेको बताउँदै प्रमुख खरेलले नगरपालिकालाई मोतिविन्दु मुक्त नगर बनाउने अभियानमा आँखा केन्द्रले सहयोग पुग्ने बताए ।

आँखा उपचार केन्द्र सञ्चालनमा आएपछि सामान्य आँखाको जाँच गराउन पनि धुलिखेल, बनेपा र काठमाण्डौसम्म जानुपर्ने पाँचखाल नगरपालिका भित्रका स्थानीयको बाध्यता हटेको छ ।