धुलिखेल, ११ माघः काभ्रेको पनौती नगरपालिका वडा नम्बर ९ जाईटोलमा खाल्डोमा जमेको पानीमा डुबेर बालिकाको ज्यान गएको छ । शनिबार घर नजिकै रहेको पानीको खाल्डोमा खेल्दै जाँदा २२ महिनाकी कृष्टिना तामाङ डुबेकी थिइन ।
पानीमा डुबेको अवस्थामा फेला परेकी कृष्टिनालाई उपचारका लागि बनेपा स्थित शीर मेमोरियल अस्पतालमा ल्याइएको थियो । इलाका प्रहरी कार्यालय बनेपाका अनुसार उपचारकै क्रममा बालिकाको मृत्यु भएको हो ।
घरभन्दा करिब ३ सय मिटर पर रहेको जागेश्वरी इट्टा भट्टाको लागि ट्वाईलेट बनाउन खनिएको खाल्डोमा जमेको पानीमा बालिका डुबेकी थिइन । घटनाको बारे थप अनुसन्धान भइरहेको प्रहरीले जनाएको छ ।
प्रतिक्रिया