धुलिखेल, १० माघः तामाङ समुदायको सोनाम ल्होछार पर्व शुक्रबारदेखि सुरु हुदैँछ । ल्होछारको अवसर पारेर काभ्रेका विभिन्न स्थानीय तहले सार्वजनिक बिदा दिने निर्णय गरेका छन ।

बाग्मती प्रदेश सरकारले काठमाण्डौ, ललितपुर र भत्तपुर बाहेक जिल्लामा शुक्रबार सार्वजनिक बिदा दिएको छ । जिल्लाको खानीखोला, रोशी, तेमाल र चौरीदेउराली गाउँपालिकाले तीन÷तीन दिन सार्वजनिक बिदा दिएका छन । शुक्रबारदेखि माघ आइतबारसम्म सार्वजनिक बिदा हुनेछ ।

धुलिखेल, बनेपा, पाँचखाल, पनौती, मण्डनदेउपुर र नमोबुद्ध नगरपालिकाले भने भोली मात्रै सार्वजनिक बिदा दिएका छन । त्यस्तै भूम्लु, महाभारत र बेथानचोक गाउँपालिकाले पनि शुक्रबार एकदिनका लागिमात्रै सार्वजनिक बिदा दिने निर्णय गरेका छन् । जिल्लामा १३ वटा स्थानीय तह रहेका छन् ।

यसैबीच सिन्धुपाल्चोक जिल्लाको लिसंखु—पाखर पालिकाले पनि ल्होछार पर्वको अवसरमा दुई दिन सार्वजनिक बिदा दिने निर्णय गरेको छ । सिन्धुपाल्चोककै पाचँपोखरी थाङपाल गाउँपालिकाले पनि सोनाम ल्होछारको अवसरमा तीन दिन सार्वजनिक विदा दिने निर्णय गरेको छ ।