धुलिखेल, १ माघ इलाका प्रहरी कार्यालय बनेपाले १० लाख रुपैयाँ बराबरको अवैध मोबाइलसहित दुई जनालाई पक्राउ गरेको छ । बनेपा बसपार्कभित्र सुनिल खनालले सञ्चालन गर्दे आएको मोबाइल पसलबाट प्रहरीले २१ थान मोबाइल सहित खनाललाई पक्राउ गरेको छ ।

त्यस्तै बनेपाको चाँदनी चोक नजिकै सञ्चालनमा रहेको एमजीआई मोबाईल सेन्टरबाट ९ थान अबैध मोबाइल सहित सञ्चालक सुदिप दाहाल पक्राउ परेका छन । भन्सार छलेर विभिन्न कम्पनीका मोबाइल बिक्रीको लागि राखेको गोप्य सुचनाका आधारमा जाँच गर्ने क्रममा ३१ ओटा मोबाइल सेट सहित सञ्चालकलाई पक्राउ गरिएको इलाका प्रहरी कार्यालय बनेपाका प्रहरी निरीक्षक योगेन्द्र तिमिल्सेनाले जानकारी दिए ।

पक्राउ परेका दुवैलाई राजस्व अनुसन्धान विभाग ललितपुर पठाइएको छ । पक्राउ परेकाहरुले न्यूरोडबाट मोबाइल सेट ल्याएको बताएका छन । उनीहरुले भारत हुदैँ भन्सार छलेर मोबाइल ल्याएको प्रहरीले जनाएको छ ।