धुलिखेल, १६ पुस, काभ्रेको पर्यटकीय नगर धुलिखेलमा भ्रमण वर्ष २०२० को भब्य सुरुवात गरिएको छ । बुधबार अरनिको शालिकबाट सुरु भएको प्रभातफेरीले धुलिखेलको विभिन्न भाग परिक्रमा गरेको थियो ।

अरनिको शालिकबाट निकालिएको प्रभातफेरीमा स्थानीय नेवार समुदायको लाखे, बासुरी र धिमे नाच समावेश गरिएको थियो । त्यस्तै भट्टेडाडाँबाट निकालिएको प्रभातफेरीमा लामा नाच, बोन्बो नाच, मादल सहितको दोहिरी नाचले रौनकता दिएको थियो । स्थानीय कला र संस्कृतीसँगै नेपाली सेनाको साँस्कृतिक समूहको सहभागिताले प्रभातफेरीलाई थप हौसला प्रदान गरेको थियो ।

हेर्नुस भिडियोमा

प्रभातफेरीमा सशस्त्र प्रहरी र नेपाल प्रहरीसँगै जिल्लाका उच्चपदस्थ अधिकारीहरु समेत सहभागि भएका थिए । भट्टेडाँडा र अरनिको शालिकबाट निकाएको प्रभातफेरीको टोली जिल्ला समन्वय समिति नजिकै एकअर्कामा मिसिए । प्रभातफेरी पिपलबोटमा पुगेर कोणसभामा परिणत भयो । त्यहाँ संघीय सांसद गंगा बहादुर दोङले प्रदेश सरकारको ५ लाख र धुलिखेल नगरपालिकाको ५ लाख रुपैयाँ सयोगमा बन्ने भ्रमण वर्ष २०२० को स्तम्भ सिलान्यास गर्नुभयो ।

विदेशी पाहुनाहरुलाई सांदस दोङ, प्रमूख अधिकारी श्रवण कुमार तिमिल्सिना, जिल्ला समन्वय समितका प्रमूख उद्धव केसी, धुलिखेल नगरपालिकाका प्रमूख अशोक ब्याञ्जु खादाले सम्मान गरे । महिला समूहले टिका लगाइदिए ।