नमोवुद्ध ८ असोज काभ्रेको नमोबुद्ध नगरपालिकाको वडा नं. ४ मा करेन्ट लागेर एकजनाको मृत्यु भएको छ ।

काभ्रको नमोबुद्ध नगरपालिका दाप्चा १ नं. पुल नजिक रहेको पशुपतिरोडा ढुंगा उद्योगमा कामगर्ने वर्ष ६८ का ईलेक्ट्रिसियन पूर्णबहादुर कटुवालको मृत्यु भएको जिल्ला प्रहरी कार्यालय काभ्रेले जनाएको छ ।

उद्योगमा कटुवाल इलेक्ट्रिसियनको रुपमा विगत ४ वर्षदेखि काम गर्दै आएको प्रहरीले जनाएको छ । प्रहरीका अनुसार कटुवाल वाईल्डिङ मेसिनमा तार जोड्ने क्रममा बाँया हातको चोर औंलामा करेन्ट लागि घाईते भएका थिए ।

घाइते भएपछि उनलाई तत्काल उपचारको लागि धुलिखेल अस्पताल ल्याइएकोमा उपचारकै क्रममा उनको मृत्यु भएको प्रहरीले जनाएको छ ।