काठमाडौं, ७ भदौ: सोलुखुम्बूको सोलुदुधकुण्ड नगरपालिकामा बाटो सफा गर्ने क्रममा सडक निर्माण औजार स्काभेटरले च्यापेर एकजनाको मृत्यु भएको छ । सोलुदुधकुण्ड नगरपालिका ९ गोराखानीमा भएको घटनामा परी घटनास्थलमै स्थतानीय ४८ वर्षीय दावा तामाङको मृत्यु भएको हो।

तामाङलाई च्याप्ने सडक निर्माण औजार स्कोभेटर सोलुदुधकुण्ड नगरपालिकाकै नाममा भएको जनाइएको छ । ट्राफिक प्रहरी नारायणबहादुर बस्नेतका अनुसार नगरपालिकाको नाममा दर्ता भएको बा १ ग ३१७५ नम्बरको स्काभेटरले बाटो सफा गरेको थियो । सोही क्रममा घटना भएको प्रहरीले जनाएको छ । आज मंगलबार दिउँसो १२ बजेको समयमा उक्त घटना भएको बताइएको छ। अहिले घटनास्थलमा प्रहरी चौकी पत्तालेको टोली प्रस्थान गरेको जनाइएको छ ।