काठमाडौं, ३२ साउन । नेपाली कला क्षेत्रकी वरिष्ठ अभिनेत्री सुभद्रा अधिकारीको ७२ वर्षको उमेरमा गत शनिबार निधन भएको छ । निमोनियाबाट पीडित रहेकी उनको डल्लुस्थित आफ्नै घरमा निधन भएको हो ।

करिब चार दशक अघिदेखि कलाकारितामा सक्रिय अधिकारीले अनेकौं चलचित्रमा सशक्त अभिनय गरेकी छिन् । उनीद्वारा अभिनित चिनो, कन्यादान, भाउजू लगायतका चलचित्रबाट उनी चर्चित बनेकी थिइन् ।

उनले नाटक गीतिनाटक, टेलिफिल्म र भिडियो फिल्ममा समेत उनको अभिनय रहेको छ । उनले अभियन गरेको पहिलो फिल्म ‘मनको बाँध’ हो । उनको जन्म २००४ भदौ २० गते काठमाडौंको असनमा पिता बलराम र माता नुरादेवीको कोखबाट भएको थियो । नुरादेवी कार्की गायिका हुनुहुन्थ्यो। गायिका तारादेवी, शुभद्राकी मामाकी छोरी थिइन् । नेपाली कला क्षेत्रको सेवा गरेर उनले सयौं पुरस्कार र सम्मान पाएकी छन् ।

पारिवारिक स्रोतका अनुसार अधिकारीलाई केही दिनअघि अस्पतालबाट डिस्चार्ज गरेर घरमा ल्याइएको थियो । उनका एक छोरा र एक छोरी छन् ।