रवि धिताल/ काभ्रे, १४ असार: काभ्रेको पनौती नगरपालिकाका दुई वटा वडालाई बालमैत्री वडा घोषणा गरिएको छ ।
नगरपालिकाको वडा नम्बर २ र ३ लाई शनिबार बालमैत्री वडा घोषणा गरिएको हो ।

कुशादेवी माध्यामिक विद्यालयको प्राङ्गणमा भएको कार्यक्रममा सरकारका प्रवक्ता समेत रहेका सञ्चार तथा सूचना प्रविधि मन्त्री गोकुल बास्कोटाले वडालाई बाल मैत्री घोषणा गरे ।

स्थानीय शासन राष्ट्रिय रणनीति २०६८, कार्यन्वयन कार्यविधि २०६८ ले बाल मैत्री स्थानीय निकाय घोषणा २०७० निर्दिष्ट गरेका सुचक पूरा गरेपछि वडालाई बाल मैत्री घोषणा गरिएको बाल मैत्री स्थानीय शासन प्रचार प्रसार समितिले जनाएको छ ।

‘बाल मैत्री स्थानीय शासन, हाम्रो अभियान’ भन्ने मुल नाराका साथ वडालाई बाल मैत्री बनाउन विभिन्न कार्यक्रम हुदैँ आएको थियो ।

कार्यक्रममा प्रदेशसभा सासंद बसुन्धरा हुमागाई, पनौती नगरपालिकाका प्रमूख भिम न्यौपाने लगायतका नगरपालिका अधिकारीहरु समेत सहभागि भएका थिए ।