काठमाण्डौ, चैत १७: ओखलढुंगा जिल्लाको मानेभञ्ज्याङ गाउँपालिका वडा नम्बर ६ डडुवाडाँडाको जीप दुर्घटनामा परी ज्यान गुमाएका सबैको सनाखत भएको छ ।

मुत्यु हुनेमा ताप्लेजुङ जिल्लाको ओलाङचुङगोलाका ५५ वर्षीय मिङ्मा शेर्पा र ४५ वर्षीय साङ्गेल शेर्पा रहेका छन् । त्यस्तै काठमाण्डौ बौद्ध बस्ने ३५ वर्षीय नुर्बु शेर्पा, ४० वर्षीय ङ्वाङ सेर्तुङ शेर्पा, वाङ्दा शेर्पा र डोमा शेर्पा रहेको जिल्ला प्रहरी कार्यालय ओखलढुंगाले जनाएको छ ।

घाइतेको भने परिचय खुल्न सकेको छैन् । घाइतेहरुको उदयपुरको घुर्मिमा रहेको अस्पतालमा उपचार भइरहेको छ । घटनामा तीन जना घाइते छन् ।

सोलुखुम्वुको सोलुगुम्बाबाट काठमाडौं तर्फ आउँदै गरेको बा१६च २२०७ नम्वरको स्कोरपियो मानेभञ्ज्याङ( ६ स्थित सडकबाट ५ सय मिटर तल पिपल खोलामा खसेको थियो ।