काभ्रे । काभ्रेमा मंगलबार राति प्रहरी र विप्लवका कार्यकर्ताबीच गोली हानाहान भएको छ । महानगरीय अपराध महाशाखाका अनुसार टेकुको प्रहरी टोली र विप्लवका कार्यकर्ताबीच गोली हानाहान भएको हो ।

विप्लवका कार्यकर्तालाई प्रहरी पछ्याउँदै गएपछि दोहोरो फायरिङ भएको हो । सामाजिक संजालमा काभ्रेको रोशी गाउँपालिका भित्र घटना भएको हल्ला चलेपनि विवरण आएको छैन । विप्लवका कार्यकर्ताहरु लुकेर बसेको सुराकीका आधारमा महानगरीय प्रहरी अपराध अनुसन्धान महाशाखाको टोली काभ्रेमा पुगेका थिए ।
गाउँमा लुकेर बसेका विप्लव कार्यकर्ताले प्रहरीमाथि फायरिङ खोलेपछि प्रहरीले जवाफी फायरिङ गरेको महानगरीय अपराध अनुसन्धान महाशाखाका प्रवक्ता एसपी केदार ढकाल जानकारी दिए ।