काठमाण्डौ, फागुन ३० गतेः काभ्रेको बनेपा नगरपालिका वडा नम्बर १३ साँगाका दिलिप खड्काले एक महिलालाई बलात्कार प्रयास गरेको खुलेको छ ।

साँगा घर भई हाल काठमाण्डौमा कार्यरत नेपाली सेनाका मेजर खड्काले आफ्नै घरमा डेरा गरी बस्ने ३५ बर्षीय (डोल्मा लामा नाम परिर्वन) लाई बलात्कारको प्रयास गरेको पाइएको हो ।

गएको शनिबार बिहान नुहाउने तयारी गरिरहेको बेला मेजर खड्काले बलात्कार प्रयास गरेको भन्दै उजुरी दिन जिल्ला प्रहरी कार्यालय धुलिखेल आएपनि उनको उजुरी लिन प्रहरीले नमानेपछि रहस्य बाहिर आएको हो ।

जिल्ला प्रहरी कार्यालय काभ्रेले उजुरी नलिएपछि उनले प्रहरी प्रधान कार्यालय काठमाण्डौमा उजुरी दर्ता गराएकी छिन् ।

धुलिखेल नगरपालिका वडा नम्बर २ रविओपी घर भएकी उनले साँगामा गत जेठ देखि मिठाई र किराना पसल सञ्चालन गर्दै आइरहेकी थिइन् । मेजर खड्काले गुप्ताङ देखाउँदै आफ्नो सम्वेदनशिल अंगहरुमा चुने प्रयास गरेको उनले बताइन् ।

मेजर खड्काले यसअघि मंसिर महिनामा पनि आफुलाई बलात्कारको प्रयास गरेको पीडित महिलाले बताएकी छिन् ।

थप हेरौँ भिडियोमा