२०८२, १५ असार आईतबार

मुलुकको विकासमा सबै जातिको भूमिका बराबर छ: गृहमन्त्री थापा

मुलुकको विकासमा सबै जातिको भूमिका बराबर छ: गृहमन्त्री थापा


काठमाडौँ, १० माघ : गृहमन्त्री रामबहादुर थापाले मुलुकको विकासका लागि सबै जातजातिको भूमिका बराबर रहेको बताउनुभएको छ । खड्गी राष्ट्रिय समाजले आज यहाँ आयोजना गरेको ‘पहिचानसहितको खड्गी महोत्सव’मा उहाँले सरकारले राखेको ‘समृद्ध नेपाल, सुखी नेपाली’को लक्ष्य पूरा गर्न सबै जातजाति उत्तिकै जिम्मेवार हुनुपर्ने बताउनुभयो । पिछडिएका उपेक्षित समुदायलाई अगाडि ल्याउन महोत्सवको महत्वपूर्ण योगदान रहने उहाँको भनाइ थियो । मन्त्री थापाले बहुजातीय, बहुधार्मिक र बहुसांस्कृतिक मुलुकमा निश्चित जातिका व्यक्तिले अधिकार जमाउने गरे पनि संविधानले सबै जातजाति, भाषा र संस्कृति भएका व्यक्तिलाई समान अधिकार दिएको बताउनुभयो ।

सांसद जीवनराम श्रेष्ठले मुलुकको लोकतान्त्रिक आन्दोलनमा नेवार समुदायभित्र रहेको खड्गी जातिको महत्वपूर्ण भूमिका रहेको उल्लेख गर्नुभयो । “खड्गी जातिको मात्र नभएर नेवार समुदायको महोत्सव आवश्यक छ,” उहाँले भन्नुभयो । ललितपुर महानगरपालिकाका प्रमुख चिरीबाबु महर्जनले ललितपुर महानगरलाई विश्व सम्पदा सूचीमा समावेश गराउन खड्गी समुदायको वेशभुषा र संस्कृतिको महत्वपूर्ण योगदान रहेको बताउनुभयो ।

काठमाडौँ महानगरपालिकाका उपप्रमुख हरिप्रभा खड्गीले खड्गी जातिले पहिचान जोगाउन गरेको काम सराहनीय रहेको बताउनुभयो । “खड्गी जातिको बाँजागाँजा, वेशभुषा र संस्कृति जोगाउन महानगरपालिकाले सहयोग गर्नेछ,” उहाँले भन्नुभयो । कार्यक्रममा खड्गी राष्ट्रिय समाजका अध्यक्ष मानबहादुर खड्गी, उपाध्यक्ष न्हुच्छेरत्न शाही, पूर्वसांसद जुठबहादुर खड्गी, नेपाल यातायात व्यवसायी राष्ट्रिय महासङ्घका उपाध्यक्ष ऐनकुमार शाहीलगायतले मुलुकको जातीय तथा भाषिक आन्दोलनमा खड्गी समाजको महत्वपूर्ण भूमिका रहेको बताउनुभयो । नाययो, सिंह, खड्गी र शाही समेटिएको महासङ्घको महोत्सव तीन दिनसम्म चल्नेछ ।
-रासस

प्रकाशित मिति : २०७५, १० माघ बिहीबार  ९ : ०१ बजे

मकवानपुरमा खुर्पाले हानेर एक जनाको हत्या

काठमाडौं । मकवानपुरमा एक जनाको हत्या भएको छ। जिल्लाको बागमती

वीपी प्रतिष्ठानलाई एकिकृत स्वास्थ्य विज्ञान प्रतिष्ठान ऐनमा लान नहुने

काठमाडौं । नेपाली कांग्रेसका सभापति शेरबहादुर देउवाले वीपी कोइराला स्वास्थ्य

नेपाल नागरिकता विधेयक प्रतिनिधिसभाबाट पारित

काठमाडौं । नेपाल नागरिकता (दोस्रो संशोधन) विधेयक, २०८२ प्रतिनिधिसभा बैठकबाट

कार्यबाहक प्रधानमन्त्रीको जिम्मेवारी उपप्रधानमन्त्री सिंहलाई

काठमाडौं । कार्यबाहक प्रधानमन्त्रीको जिम्मेवारी उपप्रधानमन्त्री एवं शहरी विकासमन्त्री प्रकाशमान

नागार्जुनमा प्रथम जननिर्वाचित कम्युनिस्ट प्रधानमन्त्री मनमोहन अधिकारीको सालिक अनावरण

काठमाडौं । प्रधानमन्त्री केपी शर्मा ओलीले नेपालका प्रथम जननिर्वाचित कम्युनिस्ट