काभ्रे ३ माघ : काभ्रेको पाँचखालमा इट्टा उद्योगको पर्खाल (डग) भत्किदा दुई जना बालबालिकाको घटनास्थलमै मृत्यु भएको छ ।

नगरपालिकाको वडा नं ७ मा रहेको बीर हनुमान ईटा उद्योगको पर्खाल डग भत्किदा दुई जना बालबालिकाको घटनास्थमै मुत्यु भएको हो। मृत्यू हुनेमा रोल्पा जिल्ला गंगादह गाउँपालिका वडा नं.१ निवासी ज्ञानबहादुर परियारका तीन वर्षीय छोरी जेनिसा परियार र ११ महिनाको छोरा निर्माण परियार रहेका छ्न् ।

घटनामा परी घाईते हुनेमा भारतीय नागरि ३५ वर्षिय सीतादेवि पासवान र रोल्पा जिल्ला माडी गाउँपालिका निवासी मिना घर्तीकी ३ वर्षीय छोरी झरर्ना घर्ती रहेको जिल्ला प्रहरी कार्यालय काभ्रेका प्रमुख रबिराज खडकाले जानकारी दिए ।

घाईते सीतादेवि पासवान र झरर्ना घर्तीको धुलिखेल अस्पतालमा उपचार भइरहेको छ । भट्टा भक्तपुर निवासी सानु कोजु लगायतका टोलीले संचालन गर्दै आएका थिए ।

घटनामा परी अन्य मजदुरहरु पनि पुरिएको हुन सक्ने आशंका गरिएको छ । अहिले भत्किएको पर्खालका इट्टा पन्छाउन स्काभेटर, स्थानीय बासिन्दा र प्रहरी लागिपरेको स्थानीय राजकुमार श्रेष्ठले बताए ।