२०८२, २० बैशाख शनिबार

सरकार सुशासन कायम गर्न प्रतिबद्ध छ : मन्त्री बस्नेत

सरकार सुशासन कायम गर्न प्रतिबद्ध छ : मन्त्री बस्नेत


गोरखा, २८ पुस: गण्डकी प्रदेशका भौतिक पूर्वाधार तथा विकासमन्त्री रामशरण बस्नेतले वर्तमान सरकार भ्रष्टाचारको अन्त्य गरेर सुशासन कायम गर्न प्रतिबद्ध रहेको बताउनुभएको छ । गोरखा नगरपालिका–१० मा आज नेपाल कम्युनिष्ट पार्टीले आयोजना गरेको कार्यकर्ता प्रशिक्षण कार्यक्रममा उहाँले भन्नुभयो, “दुई तिहाइको सरकार बन्नेबित्तिकै तत्काल सवै कुरा फेरिहाल्छ भनेर सोच्नु हँुदैन, परिवर्तनका लागि केही समय लाग्छ, धैर्य गर्न सक्नुपर्छ ।”

नेकपाका केन्द्रीय सदस्यसमेत रहनुभएका मन्त्री बस्नेतले निर्वाचनका बेला गरेका प्रतिबद्धतालाई सरकारमा पुगेर नभुलेको चर्चा गर्दै पार्टीको चुनावी घोषणापत्रलाई टेकेर देशमा विकासको लहर ल्याउने धारणा व्यक्त गर्नुभयो । “अघिल्लोपटक बजेट ल्याउँदा कतिपय कमीकमजोरी भएका होलान्”, उहाँले भन्नुभयो, “प्रदेश सरकार पनि आफ्नो अधिकार क्षेत्र स्पष्ट नहुँदा केही समस्या भएकै हुन् तर आगामी आर्थिक वर्षका लागि ल्याउने बजेटमा कुनै कमीकमजोरी हुन दिने छैनाँै ।”

मन्त्री बस्नेतले प्रदेश सरकारले सडक, बिजुली खानेपानी, शिक्षा, स्वास्थ, कृषि पर्यटनलगायतका क्षेत्रलाई प्राथमिकतामा राखेर काम गरिरहेको उल्लेख गर्दै आर्थिक परिवर्तनका लागि सबै लाग्नुपर्नेमा जोड दिनुभयो । “हामी कृषि प्रधान देशका नागरिक हौँ तर अझै पनि हामी आफूले उत्पादन गरेर होइन, खाद्यवस्तु विदेशबाट आयात गर्छौं भनेर कसरी समृद्धिको सपना पूरा हुन सक्छ”, उहाँले प्रश्न गर्नुभयो । मन्त्री बस्नेतले गण्डकी प्रदेश सरकारले व्यावसायिक खेती गर्ने कृषकका लागि विशेष अनुदानको व्यवस्था गरेको भए पनि कृषकले त्यसबाट फाइदा लिन नसकेको बताउनुभयो ।
-रासस

प्रकाशित मिति : २०७५, २८ पुस शनिबार  ७ : ५३ बजे

हेटौंडामा सडक भासिँदा गाडी जमिनभित्र गायब

हेटौंडा । हेटौंडा उपमहानगरपालिका–१६ र १७ नम्बर वडा जोडिएको गैरीगाउँमा

विश्वभरको मानव अधिकारको अवस्था प्रतिकुल बन्दै गएकोमा चिन्ता

काठमाडौं । अमेरिकी राष्ट्रपति डोनाल्ड ट्रम्प प्रशासनको प्रभावले विनाशकारी प्रवृत्तिहरूलाई

आजको मौसम : कोशी, मधेस, बागमती र गण्डकीमा वर्षाको सम्भावना

काठमाडौं । मौसम पूर्वानुमान महाशाखाका अनुसार हाल देशमा पश्चिमी वायु

एनआरएनए एकता महाधिवेशन उदघाटन गर्न राष्ट्रपतिलाई निम्तो 

काठमाडौँ । गैर आवासीय नेपाली संघ (एनआरएनए)को यही वैशाख २०

शिक्षा ऐन तत्काल जारी गर्न महासंघको आग्रह

काठमाडौं: राष्ट्रिय शिक्षक महासंघको नेतृत्वमा जारी आन्दोलनले शिक्षा क्षेत्रमा गम्भीर