२०८२, २१ जेष्ठ मंगलबार

संविधानले सबै नेपालीको भाग्य र भविष्य निर्माण गर्छ : पूर्वराष्ट्रपति यादव

संविधानले सबै नेपालीको भाग्य र भविष्य निर्माण गर्छ : पूर्वराष्ट्रपति यादव


गोरखा, ५ पुस: पूर्वराष्ट्रपति डा रामवरण यादवले नयाँ संविधानले नेपाली जनताको भाग्य र सुनौलो भविष्य निर्माण गर्ने बताउनुभएको छ । ‘दशौँ गोरखा महोत्सव एवं अन्तर प्रदेशस्तरीय कृषि पर्यटन तथा व्यापार मेला–२०७५’ को आज गोरखा सदरमुकाममा उद्घाटन गर्दै पूर्वराष्ट्रपति यादवले संविधानलाई सही ढङ्गले कार्यान्वयन गर्नसके देशले मुहार फेर्ने बताउनुभयो । उहाँले संविधान समृद्ध नेपाल निर्माणका लागि कोसेढुङ्गा सावित हुने विश्वास व्यक्त गर्नुभयो ।

“गणतान्त्रिक संविधान, लोकतान्त्रिक संविधान, समावेशी संविधान र धर्मनिरपेक्ष संविधान आएको छ, यो संविधानले सबै नेपाली जनतालाई एउटै मालामा उनेर एकताको सूत्रमा बाँध्न सफल भएको छ”, उहाँले भन्नुभयो । अहिले पनि मधेशवादी र पूर्वमाओवादीबाट विभाजित भएका केही दलले संविधानमा असन्तुष्टि जनाउँदै आएको भन्दै उहाँले सरकारले उनीहरुलाई वार्ता र छलफलमार्फत राजनीतिक मूलधारमा ल्याउनुपर्नेमा जोड दिनुभयो ।

“परिवर्तनका हिसाबले देश अहिले ऐतिहासिक घडीमा रहेको छ”, पूर्वराष्ट्रपति यादवले भन्नुभयो, “७०÷८० वर्ष लामो सङ्घर्षपछि प्राप्त उपलब्धिलाई कसरी बचाएर लैजाने भन्ने जिम्मा वर्तमान सरकार र राजनीतिक दलका नेताहरुको काँधमा छ ।” अहिले हिमाल, पहाड र मधेशका जनता मिलेर देश विकासमा लाग्नुपर्ने भन्दै उहाँले संविधानको पूर्ण कार्यान्वयनले देशलाई एकताको सूत्रमा बाँध्ने बताउनुभयो ।

“संविधानमा जहाँ जसका असन्तुष्टि छन्, त्यसलाई संशोधन गर्दै जानुपर्छ”, उहाँले भन्नुभयो, “देशमा शान्ति, स्थिरता र सुशासन दिने काममा सरकार र प्रतिपक्ष दुवै सजग भएर लाग्नुपर्छ ।” पूर्वराष्ट्रपति यादवले नेपालको धार्मिक तथा ऐतिहासिक स्थलको प्रचारप्रसार गर्न सकेमात्रै पनि लाखौँ विदेशी पर्यटक नेपालमा भित्र्याउन सकिने भन्दै राज्य त्यसमा चनाखो हुनुुपर्नेमा जोड दिनुभयो ।

समृद्ध नेपाल निर्माणका लागि देशमा उद्योगधन्दा, कलकारखाना खुल्नुपर्ने भन्दै पूर्वराष्ट्रपति यादवले अनिमात्र देशमा रोजगारीको सिर्जना हुने र देश समृद्धिको दिशामा अघि बढ्ने बताउनुभयो । उहाँले उद्योगी व्यवसायीलाई देशमा लगानीको सही वातावरण निर्माण गरी खुलेका उद्योगको सरंक्षण र प्रवद्र्धनमा सरकारले जोड दिनुपर्ने बताउनुभयो । पूर्वराष्ट्रपति यादवले जातीय द्वन्द्वका कारण भारत विभाजित भएको स्मरण गर्दै नेपालका भएका सबै जातजाति र भाषाभाषीलाई मिलाएर लैजान सक्नुपर्ने बताउनुभयो । उहाँले भन्नुभयो, “सबै जातजाति र भाषाभाषीले आआफ्नो परम्परा र रीतिरिवाजअनुसार निर्वाधरुपमा पूजाआजा र चाडपर्व मान्न पाउँछन् तर जबर्जस्ती धर्म परिवर्तन भइरहेको कुरा आइरहेका छन्, त्यसले देशलाई राम्रो गर्दैन ।”

अहिले विभिन्नरुपमा धर्मको प्रचारप्रसार भइरहेको भन्दै उहाँले सरकारले त्यसलाई गहिरो चिन्तन गर्नुपर्ने बेला आएकोसमेत उल्लेख गर्नुभयो । पूर्वराष्ट्रपति यादवले राज्यले धर्म परिवर्तनका लागि सङ्घीय सदनबाट कानून नै बनाएर अघि बढ्न सरकारलाई आग्रहसमेत गर्नुभयो ।
-रासस

प्रकाशित मिति : २०७५, ५ पुस बिहीबार  ९ : १७ बजे

राइड सेयरिङमा बढी भाडा लिए जानकारी दिन नेपाल प्रहरीको अनुरोध

काठमाडौं । यातायात व्यवसायीले यातायात बन्दको घोषणा गरेपछि राइड सेयरिङ

राष्ट्रपति पौडेलद्वारा रातो मच्छिन्द्रनाथको भोटो जात्रा अवलोकन

ललितपुर । राष्ट्रपति रामचन्द्र पौडेलले वर्षा र सहकालका देवता रातो

गणतान्त्रिक शक्तिहरूबीचको सहकार्य मजबुत बनाउनु आजको आवश्यकता :अध्यक्ष प्रचण्ड

काठमाडौं । नेकपा माओवादी केन्द्रका अध्यक्ष पुष्पकमल दाहाल प्रचण्डले गणतान्त्रिक

गणतन्त्रको सबैभन्दा ठूलो शत्रु ढिलासुस्ती, अनियमितता र बेथिति हुन् : राष्ट्रपति पौडेल

काठमाडौं । राष्ट्रपति रामचन्दै पौडेलले गणतन्त्रको सबैभन्दा ठूलो शत्रु ढिलासुस्ती,

पर्यटकलाई कुनै किसिमको झन्झट नदिन प्रधानमन्त्रीको निर्देशन

काठमाडौं । प्रधानमन्त्री केपी शर्मा ओलीले नेपाल आउने पर्यटकलाई कुनैपनि