काठमाडौँ, १३ मङ्सिर : गोंगबुमा दुई दिनअघि बेपत्ता भएका एक बालक मृत अवस्थामा भेटिएको छ । अपराध अनुसन्धान महाशाखाका अनुसार ८ वर्षीय बालक प्रयास कुँवरको अपहरणपछि हत्या भएको छ ।

बालकको शव म्हेपीमा भेटिएको हो । बालकको शव झोलामा पोको पारेको अवस्थामा भेटको महानगरीय महाशाखाले जनाए । घटनामा संलग्न भएको आरोपमा प्रहरीले स्याङ्जाका महेन्द्र सार्कीलाई पक्राउ गरेका छन् । सार्कीले अपहरणपछि हत्या गरेको स्वीकारेको छ ।

उनले बालकलार्इ चकलेट दिएर अपहरण गरेकाे बताए । पक्राउमा परेका सार्की होटल सञ्चालकका ड्राइभर हुन् । उनीमाथि थप अनुसन्धान हुने प्रहरीले बताए । शवलाई पोष्टमार्टमका लागि लगेका छन् ।