काठमाडौँ, १० मङ्सिर: गरीबी निवारण कोषका नवनियुक्त उपाध्यक्ष निर्मलकुमार भट्टराईले आज पदबहाली गर्नुभएको छ । मन्त्रिपरिषद्को यही मङ्सिर ३ गते बसेको बैठकले उहाँलाई सो पदमा नियुक्त गर्ने निर्णय गरेको थियो ।
पदबहाली कार्यक्रममा उपाध्यक्ष भट्टराईले कोषलाई नयाँ नीति र कार्यक्रमका साथ अगाडि बढाइने जानकारी दिनुभयो । राजनीति एवम् शिक्षण कार्यमा लामो समयदेखि क्रियाशील तेह्रथुम जिल्लाका भट्टराईले अङ्ग्रेजी विषयमा स्नातकोत्तर गर्नुभएको छ । यसैगरी कोषका कार्यकारी निर्देशक पदमा भूमिसुधार, गरीबी निवारण तथा सहकारी मन्त्रालयका सहसचिव छवि रिजालले पनि आज नै पदबहाली गर्नुभएको छ ।
-रासस
प्रतिक्रिया