बनेपा ३ मंंसीर बनेपाको आईटीपार्क नजिकै अर्धनग्न अवस्थामा मृत फेला परेकी २१ वर्षीया युवतीको आत्महत्या नभई हत्या भएको परिवार आशंका गरेको छ ।

रूखमा झुन्डिएको अवस्थामा सुधा केसीको शव फेला परेपछि परिवारले हत्या भएको दाबी गरेको हो । बिहानै छोरीलाइ कसैले बोलाएर लगेर हत्या गरी झूड्यएको हुनसक्ने परिवारले दावि गरेका छन् ।

मृतक केसीकी आमाले भनिन ‘छोरीले बेलुका घरमै बसेर पढ्ने मलाई क्याम्पसमा भर्न मात्र गरिदिनु भनेकी थिए, तर विहान उठेर क्याम्पस जाने भनेपछि मैले आज क्याम्पस नजा भनेकी थिएँ छोरीले मानिन, त्यसपछि हामीलाई खबर नै नगरी घरबाट फुत्त निक्लेकी थिई, निक्लीएको आधा घण्टामै खोजी गर्दा झुण्डिएको अवस्थामा फेला शव भेटियो ।’

मृतकले बाहिरी सबै कपडा फुकालेर रुखको फेदमा राखी भित्री बस्त्र मात्रै लगाएर झुण्डिएको अवस्थामा शव फेला परेको ईलाका प्रहरी कार्यालय बनेपाले जनाएको छ ।

युवतीको शव घरबाट तीन सय मिटरको दुरीमा रुखमा अर्धनग्न अवस्थामा झुण्डिएको शव फेला परेको थियो । पनौती नगरपालिका वडा नम्बर ५ स्थायी घर भएकी मृतक युवती काभ्रे क्यामपसमा बिबिएस तेस्रो बर्षमा अध्ययनरत विद्यार्थी हुन् । घटनाको प्रारम्भिक अनुसन्धानबाट युवतीले आत्महत्या गरेको प्रहरीले जनाएको छ ।