२०८२, १५ असार आईतबार

राराको पर्यटन विकासमा सङ्घीय सरकारको चासो देखिएन : मुख्यमन्त्री शाही

राराको पर्यटन विकासमा सङ्घीय सरकारको चासो देखिएन : मुख्यमन्त्री शाही


रारा, २ मङ्सिर :कर्णाली प्रदेशका मुख्यमन्त्री महेन्द्रबहादुर शाहीले रारा पर्यटन विकास गुरुयोजना निर्माण गर्न लागेको बताउनुभएको छ । शाहीले आज पत्रकारसँग कुरा गर्दै प्रदेश सरकारले राराको प्रचारप्रसार गरी पर्यटन विकास गर्न दबाब सिर्जना होस् भन्ने उद्देश्यका साथ गत वैशाख १ गते प्रधानमन्त्रीसहितको टोली रारा पु¥याएर कर्णाली रारा पर्यटन वर्ष २०७५ को घोषणा गरेपनि संघीय सरकारले खासै चासो नदेखाएको आरोप लगाउनुभयो ।

फरक प्रसङ्गमा मन्त्री शाहीले नाग्म–गमगढी–रारा तथा नाग्म–गमगढी–नाक्चे लाग्ना सडकका लागि विश्व बैंक, बेलायती विकास सहयोग नियोगलगायत अन्तर्राष्ट्रिय दातृ निकायले लगानी गर्ने चासो देखाएको जानकारी दिनुभयो । सङ्घीय सरकारसँगको विस्तृत छलफल गराई सङ्घीय सरकारको अनुमति पाउनेबित्तिकै विश्व बैंकले सडक निर्माणका लागि प्रक्रिया अगाडि बढाउने शाहीले बताउनुभयो ।

राराको पर्यटन विकासका लागि निकुञ्ज पनि बाधक देखिएकाले यसका लागि प्रदेश सरकारले राष्ट्रिय निकुञ्ज नियमावली बनाउन पहल गर्ने र नियमावली बनि सकेपछि रारामा बन्ने अन्तर्राष्ट्रिय मापदण्डका सुविधा सम्पन्न होटेल खुल्न सहज हुने उहाँले बताउनुभयो । सुविधा सम्पन्न होटेल तथा पूर्वाधार विकासका लागि सबैभन्दा पहिले मुगु र मध्यवर्ती क्षेत्रका स्थानीयवासीको शेयर लगानी गर्ने र स्थानीयलाई फाइदा पुग्ने गरी मात्र प्रदेश सरकारले पर्यटन विकासको काम गर्ने मुख्य मन्त्री शाहीको दाबी छ ।
-रासस

प्रकाशित मिति : २०७५, २ मंसिर आईतबार  ८ : ३८ बजे

प्रहरीका तल्लो तहका कर्मचारीलाई ‘आधारभुत तह’ सम्बोधन गर्न प्रस्ताव

काठमाडौं । गृहमन्त्री रमेश लेखकले प्रहरी संगठनमा कार्यालय सहयोगी, नेपाल

शीतनिवासमा प्रतिकात्मक रोपाइँ, राष्ट्रपति पौडेल सहभागी

काठमाडौ । असार १५ अर्थात धान दिवसको उपलक्ष्यमा राष्ट्रपति भवन

बेरुजुले वित्तीय अनुशासन पक्षमा प्रश्न खडा गरेका छ : सभामुख घिमिरे

काठमाडौँ । सभामुख देवराज घिमिरेले बेरुजुले वित्तीय अनुशासन पक्षमा प्रश्न

आज प्रतिनिधिसभाको बैठक बस्दै

काठमाडौँ । सङ्घीय संसद्का दुवै सदनको बैठक बस्दैछ । प्रतिनिधिसभाको

राष्ट्रियसभाको बैठक बस्दै,यस्तो छन् कार्यसूची

काठमाडौं । संघीय संसद अन्तर्गत राष्ट्रियसभाको बैठक आज बस्दै छ