२०८१, २ चैत्र आईतबार

‘स्वच्छ वातावरणका लागि समन्वय हुनुपर्छ’:अध्यक्ष शर्मा

‘स्वच्छ वातावरणका लागि समन्वय हुनुपर्छ’:अध्यक्ष शर्मा


काठमाडौँ, २४ भदौ : राष्ट्रिय मानव अधिकार आयोगका अध्यक्ष अनुपराज शर्माले फोहोरमैला व्यवस्थापन एवम् वातावरण संरक्षणका लागि संघीय, प्रदेश र स्थानीय सरकारबीच समन्वय हुनुपर्नेमा जोड दिनुभएको छ । देशका विभिन्न भागमा सरसफाइ तथा स्वच्छ वातावरणको समस्याका कारण सर्वसाधारणको स्वास्थ्यमा पर्न गएको असरबारेको छलफलमा आज उहाँले वातावरण संरक्षणमा राज्यका सबै संयन्त्रहरुबीच समन्वय हुनुपर्छ भन्नुभयो ।

आयोगका सदस्य सुदीप पाठकले रसायनयुक्त सङ्क्रमित र साधारण फोहोरमैला व्यवस्थापन एवं फोहोरको विसर्जन स्थलमा देखिएको समस्याले मानवजीवन जोखिम सिर्जना गरेको बताउनुभयो । संविधानद्वारा प्रदत्त स्वच्छ र स्वस्थ वातावरणमा बाँच्न पाउने मौलिकहकको कार्यान्वय पक्ष कमजोरी र सरोकारवाला निकायबीच समन्वयको अभावलाई निराकरण गर्दै वातावरण संरक्षणमा सरोकारवाला निकाय संवेदनशील हुनुपर्नेमा सहभागीहरुको जोड थियो ।

छलफलमा भक्तपुर नगरपालिकाका प्रमुख सुनिल प्रजापति, काठमाडाँै महानगरपालिकाका उपप्रमुख हरिप्रभा खड्गी, ललितपुर महानगरपालिकाका उपप्रमख गीता सत्याल, वन तथा वातावरण मन्त्रालयका सहसचिव चन्द्रमान डङ्गोल, सङ्घीय मामिला तथा सामान्य प्रशासन मन्त्रालयका सहसचिव पुरूषोत्तम नेपाल, आयोगका निमित्त सचिव मुरारीप्रसाद खरेल, प्रहरी नायब महानिरीक्षक मनोज न्यौपाने, प्रहरी वरिष्ठ उपरीक्षक बसन्त पन्त, प्रधानमन्त्री तथा मन्त्रिपरिषद् कार्यालयका उपसचिव लक्ष्मीप्रसाद गौतमको उपस्थिति थियो ।
-रासस

प्रकाशित मिति : २०७५, २४ भाद्र आईतबार  ७ : ५६ बजे

पत्रकारलाई परिचयपत्र वितरण गर्न प्रेस रजिष्टारको कार्यालय वाग्मतीद्वारा शिविर आयोजना 

रामेछाप । प्रेस रजिष्टार कार्यालय वाग्मती प्रदेशले रामेछापमा पत्रकारहरूको लागि

कला र साहित्यले विश्वव्यापी भाइचारालाई मजबुत बनाउँछ : पूर्वराष्ट्रपति

काठमाडौं । पूर्वराष्ट्रपति विद्यादेवी भण्डारीले कला र साहित्यले हाम्रा भगोलिक

देशको आर्थिक अवस्था सुखद छैन् गृहमन्त्री लेखक

काठमाडौं । गृहमन्त्री रमेश लेखकले पछिल्लो समय देशको आर्थिक अवस्था

साँखुमा स्कुल बस दुर्घटना : छ जनाकाे मृत्यु, ४० घाइते 

काठमाडौं: काठमाडौंको शंखरापुर नगरपालिका ५ स्थित साँखु–नगरकोट सडखण्डमा स्कुल बस

प्रचण्डको अभिव्यक्तिमा एमालेको आपत्ति

काठमाडौं । नेकपा एमालेका प्रमुख सचेतक महेश बर्तौँलाले नेकपा माओवादी