बनेपा, २२ भदौं  : कञ्चनपुरमा प्रहरीका अधिकृतले नै बालिका बलात्कारको घटनालाई ढाकछोप गरेको आरोप लागिरहेको छ । तर काभ्रेका एक प्रहरी अधिकारी भने अहिले सबैतिरबाट बधाई थापिरहेका छन् ।

इलाका प्रहरी कार्यालय बनेपाका प्रहरी इन्सपेक्टर सुनिल जंग शाहको सक्रियतामा अपहरणकारीबाट अपहरित ब्यक्ति मुक्त भएपछि उनको चर्चा चुलिएको छ । प्रहरीले चाहाँने हो भने जस्तो सुकै आपराधमा संकग्नलाई पनि कानुनी कठघरामा ल्याउन सक्छ भन्ने उदाहरण बनेका छन् इन्सपेक्टर शाह ।

भक्तपुरको सल्लाघारीबाट हेलम्बु गाउपालिका बर्ष ४७ का विष्णु कटुवाल अपहरणमा परेको सुचना पाए लगत्तै इन्सपेक्टर शाहको टोली परिचालित भएको थियो । अपरिचित ब्यक्तीहरुले निलो रंगको ट्याक्सीमा राखि नालाको बाटो हुदै काभ्रे तर्फ लिएर हिडेको भन्ने विशेष सुचनाका आधारमा शाहको टोलीले पिछा गरेको थियो ।

इन्सपेक्टर सुनिल जंग शाहको सुरक्षा कौशलकै कारण अपहरित कटुवाल धुलिखेल नगरपालिका ५ चौकोटबाट अपहरण मुक्त भए । अपहरणकारीले कटुवालालई अपहरण गर्न प्रयोग गरेको बा ५ च ८७३५ नम्बरको प्राईभेट कार, बा ७८ प ५०५ नम्बरको मोटरसाइकल र बा ३४ प ५०० नम्बरको स्कुटी सहित बिहिवार ८ जनालाई पक्राउ गर्न शाहको टोली सफल भएको हो ।

जिल्ला प्रहरी कार्यालय धुलिखेलले दिएको जानकारी अनुसार कटुवाल अपहरणमा संलग्न भएको आरोपमा काभ्रेको बनेपा नगरपालिका बडा नम्बर वडा १ का २३ बर्षीय दिपक भुजेल, नमोबुद्द नगरपालिका वडा नम्बर १० का ४० बर्षिय राजन घोरासैनी, सर्लाही घर भई बनेपा बस्दै आएका २६ बर्षिय कृष्णहरी अधिकारी पक्राउ परेका छन् ।

त्यस्तै पक्राउ पर्नेमा सिन्धुपाल्चोक सुनकोशी गाउँपालिका वडा नम्बर ५ घर भई हालल सुर्यबिनायक बस्दै आएका २९ बर्षिय रामेश्वर सिलवाल, मकवानपुर पालुङ ७ का ४२ बर्षिय नकुल कार्की, गाडी चालक रामेछाप खाडाँदेबी गाउँपालिका वडा नम्बर १ का ३५ बर्षिय टेक बहादुर विक, काठमाण्डौ महानगरपालिका वडा नं २८ बस्ने ४२ बर्षिय धन नारायण तण्डुकार र सिन्धुपाल्चोक जिल्ला सुनकोशी गाउँपालिका वडा नम्बर ५ घर भई हाल मकवानपुर बस्ने २८ बर्षिय रञ्जन सिलवाल रहेका छन् ।

कटुवाललाई अपहरणमुक्त बनाउन इलाका प्रहरी कार्यालय बनेपाका इन्सपेक्टर शाहको टोलीलाई पनौती प्रहरी चौकीका प्रहरी नायव निरीक्षक शिवहरी कार्कीको टोलीले पनि साथ दिएको थियो ।