काभ्रे । काभ्रेको पनौती बसपार्कमा टिपरको ठक्करले एक जनाको घटनास्थलमै मृत्यु भएको छ । पनौतीबाट बनेपातर्फ आइरहेको बा ४ ख ८३१० नं को टिपर र सोही दिशाबाट आइरहेको बा ७७ प ३७० नं को स्कुटर आपसमा ठोक्किँदा स्कुटरमा सवार भक्तपुर सानोठिमी नगरपालिका–४ का २४ वर्षीय आकाश श्रेष्ठको मृत्यु भएको इलाका प्रहरी कार्यालय बनेपाका प्रमुख प्रहरी उपरीक्षक सुनिलजंग शाहले बताए ।
दुर्घटनामा परी स्कुटरमा सवार पनौती ८ मल्पिका राजीव राउत गम्भीर घाइते भएको इलाका प्रहरी कार्यालय बनेपाका प्रहरीले बताए । घाइतेको बनेपा स्थित शीर मेमोरियल अस्पतालमा उपचार भइरहेको छ । टिपर चालक प्रहरीको नियन्त्रणमा लिएको छ ।
प्रतिक्रिया