काठमाण्डौ/नेपाली कांग्रेसका वरिष्ठ नेता रामचन्द्र पौडेल तनहुँबाट पराजित भएका छन् ।
तनहुँ प्रतिनिधिसभा क्षेत्र नम्बर १ बाट उम्मेदवार बनेका पौडेललाई एमालेका किसानकुमार श्रेष्ठले ६४१४ मतान्तरले पराजित गरे ।
श्रेष्ठले ३४ हजार ४ सय ८९ मत ल्याउँदा पौडेलले २७ हजार ६ सय ७५ मत मात्र पाए । २०७० सालमा भएको संविधानसभा निर्वाचनमा पौडेलका प्रतिस्पर्धी थिए, किसान श्रेष्ठ । करिव ४५ सय मतले पराजित श्रेष्ठले यो पटक बदला लिएका छन् ।
७४ बर्षीय पौडेलले आफुलाई भावी प्रधानमन्त्री र पार्टी प्रमुखको दावेदारका रुपमा प्रस्तुत गर्दै आएका थिए । तर, उनको हारसँगै प्रधानमन्त्रीको दाबेदारी अन्त्य भयो ।
प्रतिक्रिया