काठमाण्डौँ÷काभ्रे प्रतिनिधिसभा निर्वाचन क्षेत्र नम्बर २ को मतगणना रोकिएको छ । मुचुल्का अनुसार कम्प्युटरमा इन्ट्रि गर्दा फरक परेपछि मतगणना रोकिएको हो ।

बनेपा नगरपालिका वडा नम्बर १० पुलबारको बुथमा मुचुल्कामा ३१९ भएको र अहिले हेर्दा २१९ मात्रै मत पाएपछि काँग्रेसका प्रतिनिधिहरुले मतगणना अघि बढ्न दिएका छैनन् । पार्टीमा आवश्यक सल्लाह गर्ने भन्दै काँग्रेसका प्रतिनिधिहरु बाहिरीका छन् ।

सहायक निर्वाचन अधिकृत तिलक कार्कीले टाइप गर्ने क्रममा त्रृटि भएको उल्लेख गरे । “मतदान सकिएपछि गरिएको मुचुल्का र कम्प्युटर इन्ट्रीमा १ सय मत फरक परेका छ, उनले भने “नेपाली काँग्रेसका प्रनितिधि सल्लाहका लागि निस्कनु भएको छ ।”

यो निर्वाचन क्षेत्रमा बाम गठबन्धनका उम्मेदवार गोकुल बास्कोटा ४ हजारभन्दा बढी मतका साथ अग्रस्थानमा छन् । उनको १५६८२ मत रहेका छ । भने उनका प्रतिद्धन्द्धि नेपाली काँग्रेसका उम्मेदवार मधुआचार्यको मत ११२१२ रहेको छ ।