काठमाडौं । राष्ट्रिय स्वतन्त्र पार्टी (रास्वपा)को प्रथम महाधिवेशनबाट विपिनकुमार आचार्य महामन्त्रीमा निर्वाचित भएका छन्।
चितवनमा जारी महाधिवेशनमा भएको निर्वाचनको अन्तिम मतपरिणामको औपचारिक घोषणा हुन बाँकी रहेकै बेला उनका प्रतिस्पर्धी मनिषा झाले पत्रकारहरूसँग कुरा गर्दै आचार्य निर्वाचित भएको जानकारी दिँदै बधाइ दिएकी हुन्।
निर्वाचित आचार्यले पनि आफू महामन्त्रीमा निर्वाचित भएको पुष्टि गर्दै महाधिवेशनमार्फत पार्टीले संस्थागत नेतृत्व प्राप्त गरेको प्रतिक्रिया दिएका छन्। औपचारिक मतपरिणाम भने निर्वाचन समितिले सार्वजनिक गर्न बाँकी छ।
प्रतिक्रिया