काठमाडौँ । सङ्घीय संसद्अन्तर्गत प्रतिनिधिसभा को बैठक आज दिउँसो १ बजे सिंहदरबारमा बस्दैछ।

आजको बैठकमा सरकारले तीन महत्त्वपूर्ण विधेयक प्रस्तुत गर्ने सम्भावित कार्यसूची रहेको छ। प्रस्तुत हुने विधेयकहरूमा ‘राष्ट्रिय विधि विज्ञान प्रयोगशाला (स्थापना तथा सञ्चालन) विधेयक, २०८१’, ‘पर्यटन विधेयक, २०८१’ र ‘चलचित्र विधेयक, २०८१’ रहेका छन्।

यी विधेयकहरूले क्रमशः फरेन्सिक अनुसन्धानलाई संस्थागत र सुदृढ बनाउने, पर्यटन क्षेत्रलाई व्यवस्थित तथा प्रतिस्पर्धी बनाउने र चलचित्र उद्योगलाई कानुनी दायरामा थप व्यवस्थित गर्ने अपेक्षा गरिएको छ।

बैठकबाट विधेयकहरू छलफलका लागि सम्बन्धित समितिमा पठाइने सम्भावना पनि रहेको छ।