काठमाडौं । आगामी प्रतिनिधिसभा निर्वाचनका लागि उज्यालो नेपाल पार्टीका अध्यक्ष कुलमान घिसिङ काठमाडौं–३ बाट उम्मेदवार बन्ने भएका छन्।

उक्त निर्वाचन क्षेत्रमा नेपाली कांग्रेसले युवा नेता दुजाङ शेर्पा लाई उम्मेदवार बनाउने निर्णय गरेको छ। कांग्रेस संसदीय बोर्डले शेर्पालाई काठमाडौं–३ बाट प्रतिनिधिसभा सदस्यको उम्मेदवार बनाउने अनुमोदन गरेको हो।

काठमाडौं–३ क्षेत्रमा यसअघि कांग्रेसका सन्तोष चालिसे विजयी भएका थिए। यस पटकका अन्य प्रतिस्पर्धीमा रास्वपाले राजु पाण्डेलाई टिकट दिएको छ।

राजनीतिक विश्लेषकहरूले काठमाडौं–३ लाई सतत प्रतिस्पर्धा हुने क्षेत्रको रुपमा हेरिरहेका छन्। उज्यालो नेपाल पार्टीका अध्यक्ष कुलमान र कांग्रेसका युवा नेता दुजाङ शेर्पा बीचको प्रत्यक्ष भिडन्त यस निर्वाचन क्षेत्रको परिणामलाई अझ रोचक बनाउने देखिन्छ।