रुकुमपूर्व । नेकपा एमालेले रुकुमपूर्व निर्वाचन क्षेत्रमा पार्टीका वरिष्ठ नेता खेममान खड्कालाई उम्मेदवार बनाउने निर्णय गरेको छ। खड्का यस क्षेत्रका इन्चार्ज समेत हुन् र पार्टीले उनलाई बलियो उम्मेदवारका रूपमा अघि सारेको छ।

स्रोतका अनुसार, प्रारम्भमा एमालेमा केही लचकता देखिन्थ्यो र प्रचण्डसँग प्रतिस्पर्धा गर्ने विषयमा विवाद थियो। पार्टी भित्रका कतिपय नेताहरूले प्रचण्डसँग मिलेर रणनीति अगाडि बढाउने विषयमा सोचिरहेका थिए। तर अन्तिम समीक्षा र छलफलपछि एमालेले खड्कालाई उम्मेदवार बनाउने निर्णय गर्यो ।

पार्टीको लक्ष्य यस चुनावमा निर्णायक भूमिका खेल्न सक्ने प्रत्याशीलाई अघि सार्नु रहेको एमाले स्रोतले बताए। खड्का र प्रचण्डबीचको चुनावी प्रतिस्पर्धाले यस क्षेत्रको राजनीतिक दृष्टिकोणमा ठूलो प्रभाव पार्ने अनुमान छ।

यस कदमले एमालेभित्र एकता र निर्णायक रणनीति देखाउने संकेत गरेको छ। स्थानीय नेता र कार्यकर्ताले पनि खड्कालाई उम्मेदवार बनाउने निर्णयलाई उत्साहजनक भन्दै स्वागत गरेका छन्। आगामी निर्वाचनमा खड्काले प्रचण्डसँग प्रत्यक्ष भिडन्त गर्ने तयारी गरिरहेको स्रोतले जनाएको छ।