काठमाडौँ । नेकपा एमालेको केन्द्रीय सचिवालय बैठक केन्द्रीय कार्यालय च्यासलमा जारी छ। बैठकमा राष्ट्रिय सभा निर्वाचनसम्बन्धी विषयबारे छलफल भइरहेको छ भने उम्मेदवार चयनसम्बन्धी विषय पनि उठ्ने बताइएको छ।

राष्ट्रिय सभाका १८ सीटका लागि प्रमुख राजनीतिक दलहरूबीच सहमति बनेको छ। कांग्रेस र माओवादीसँग भएको छलफल तथा सीट बाँडफाँडको विषयमा अध्यक्ष केपी शर्मा ओलीले सचिवालयमा ब्रिफिङ गरेका छन्।

पछिल्लो सहमति अनुसार एमालेले ६ सीटमा उम्मेदवारी दिनेछ। साथै प्रतिनिधि सभाका उम्मेदवार सिफारिस र कतिपय ठाउँमा भएका विवादको विषय पनि बैठकमा छलफलको भाग बन्ने अपेक्षा गरिएको छ।