हेटौंडा । मकवानपुरको भीमफेदी गाउँपालिका–६ जुरिखेतमा भएको सुमो दुर्घटनामा परी मृत्यु भएका ६ जनामध्ये ४ जनाको पहिचान खुलेको छ। दुर्घटनामा ९ जना घाइते भएका थिए, जसमध्ये उपचारका क्रममा ६ जनाको मृत्यु भएको इलाका प्रहरी कार्यालय भीमफेदीले जनाएको छ।
प्रहरीका अनुसार मृत्यु हुनेमा भारत बिहार राज्य पटना निवासी रजनिस कुमार, मकवानपुर हेटौंडा उपमहानगरपालिका–४ कमलडाँडाकी सबिता लम्साल, हेटौंडा उपमहानगरपालिका–२ कान्तिराजपथका निखिल अग्रवाल र भारत बिहार राज्य बेगुसराई निवासी रबिन्द कुमार रहेका छन्।
दुर्घटनामा ज्यान गुमाएका अन्य २ जना पुरुषको भने हालसम्म पहिचान हुन सकेको छैन।
प्रतिक्रिया