काभ्रेपलाञ्चोक । फागुन २१ गते हुने प्रतिनिधिसभा निर्वाचनका लागि काभ्रे निर्वाचन क्षेत्र नं. १ बाट नेपाली कांग्रेसका केन्द्रीय सदस्य गणेश लामा उम्मेदवारका रूपमा सिफारिस भएका छन् ।

नेपाली कांग्रेस प्रतिनिधिसभा क्षेत्रीय कार्यसमिति क्षेत्र–१ को बैठकले आसन्न प्रतिनिधिसभा तथा राष्ट्रियसभा निर्वाचनका लागि उम्मेदवार सिफारिस गरेको हो । क्षेत्रीय सभापति दिनेश लामाका अनुसार प्रतिनिधिसभा प्रत्यक्षतर्फ गणेश लामा, गुणराज मुक्तान, तिर्थबहादुर पसखल, विदुर बस्नेत र रसिला खनाल (महिला) सिफारिस भएका छन् ।

यस्तै, समानुपातिकतर्फ हर्षजित लामा (आदिवासी जनजाति), ललिता किङरिङ (आदिवासी जनजाति महिला), हरिबहादुर बल (आदिवासी जनजाति), मिरा नेपाली (दलित), उद्धव कोइराला (अपाङ्ग) र बाबुराम गिरी (अल्पसंख्यक) लाई उम्मेदवारका रूपमा सिफारिस गरिएको छ ।

त्यसैगरी, राष्ट्रियसभा निर्वाचनका लागि इन्द्रमणि अधिकारी र ईश्वरीप्रसाद ओझालाई उम्मेदवारको रूपमा सिफारिस गरिएको क्षेत्रीय सभापति लामाले जानकारी दिनुभयो ।