काठमाडौं । आफ्नै चार महिनाका छोराको हत्या गरेको आरोपमा प्रहरीले नेपाल प्रहरीका प्रहरी सहायक निरीक्षक (असई) पुष्कर कार्की लाई पक्राउ गरेको छ।

सिनामंगलस्थित कोठामा बस्दै आएका कार्कीले आइतबार दिउँसो सुतेकै अवस्थामा रहेको छोराको घाँटी रेटेर हत्या गरेको प्रारम्भिक अनुसन्धानले देखाएको छ। जन्मिँदा नै ब्रेन ट्युमरको समस्या रहेको बालकलाई हत्या गरिएको खुलेको छ। घटनापछि कार्कीले आफ्नी श्रीमतीलाई पनि कुटपिट गरेका थिए।

जिल्ला प्रहरी परिसर काठमाडौंका प्रवक्ता एसपी पवनकुमार भट्टराई का अनुसार कार्कीलाई आइतबार बेलुकी नियन्त्रणमा लिइएको छ। उनी भद्रकाली प्रहरी हिरासत मा राखेर सोधपुछ र थप अनुसन्धान भइरहेको प्रहरीले जनाएको छ।

प्रहरीले घटनास्थलको मुचुल्का उठाएर आवश्यक प्रमाण संकलन गरिरहेको छ र घटनाको प्रकृति अनुसार कानुनी प्रक्रिया अघि बढाउने तयारीमा छ।