काठमाडौं । अमेरिकी पासपोर्ट पहिलो पटक विश्वका शीर्ष १० शक्तिशाली पासपोर्टको सूचीबाट बाहिरिएको छ। हेनले एन्ड पार्टनर्सद्वारा सार्वजनिक हेनले पासपोर्ट इन्डेक्स २०२५ अनुसार, अमेरिका अहिले १२औं स्थानमा पुगेको छ।

सिंगापुरको पासपोर्ट विश्वकै शक्तिशाली बनेको छ, जसका नागरिकले १९३ देशमा भिसा बिना प्रवेश पाउँछन्। दक्षिण कोरिया दोस्रो र जापान तेस्रो स्थानमा रहेका छन्। नेपालको पासपोर्ट १०१औं स्थानमै यथावत छ भने भारत ८ स्थान उक्लिँदै ७७औं स्थानमा पुगेको छ।
विश्लेषकहरूका अनुसार अमेरिकी पासपोर्टको गिरावट पछिल्ला वर्षहरूमा अन्य देशहरूले अमेरिकी नागरिकका लागि भिसा नियम कडा बनाउँदा आएको हो।