काठमाडौं । गत भदौ २३ र २४ गतेको आन्दोलनमा भएका क्षतिबाट २३ अर्ब २२ करोड रुपैयाँभन्दा बढीको बीमा दाबी परेको छ। नेपाल बीमा प्राधिकरणका अनुसार निर्जीवन बीमा कम्पनीहरूले हालसम्म १ अर्ब ५८ करोड रुपैयाँ भुक्तानी गरिसकेका छन्।
हालसम्म ३ हजार ९९ बीमा दाबी आवेदन परेका छन्, जसमा सबैभन्दा धेरै मोटर बीमा २ हजार २०६ र सम्पत्ति बीमा ६५३ वटा रहेका छन्। प्रदेशगत रूपमा वाग्मतीमा सबैभन्दा धेरै १ हजार ६६९ दाबी परेको छ। बीचमा, सिद्धार्थ इन्स्योरेन्समा ५ अर्ब ६१ करोड बराबरको दाबी परेका छन्, जसबाट कम्पनीले ५९ करोड भुक्तानी गरेको छ।
प्राधिकरणका अनुसार यो विवरण असोज २३ गतेसम्मको हो। आन्दोलनमा क्षतिग्रस्त सरकारी संरचनाको भने बीमा नभएको जनाइएको छ।
प्रतिक्रिया