काठमाडौँ । जल तथा मौसम पूर्वानुमान महाशाखाका अनुसार हाल देशभर कुनै उल्लेखनीय मौसम प्रणालीको प्रभाव छैन। देशको अधिकांश भूभागमा मौसम सफा र स्थिर रहेको छ ।
महाशाखाले जनाएको अनुसार आज दिउँसो कोशी र गण्डकी प्रदेशका पहाडी भूभागमा आंशिक बदली रहनेछ भने बाँकी क्षेत्रमा मुख्यतया सफा मौसम रहनेछ। कोशी प्रदेशका पहाडी भूभागका एक–दुई स्थानमा हल्का वर्षा हुने सम्भावना रहेको छ।
यस्तै, आज राति कोशी र सुदूरपश्चिम प्रदेशका पहाडी भूभागमा आंशिक बदली रहने अनुमान गरिएको छ भने बाँकी प्रदेशहरूमा मौसम मुख्यतया सफा रहनेछ ।
सामान्यतया तापक्रममा विशेष परिवर्तन नआउने र हिउँद सुरु हुनुअघि देशभर स्थिर मौसमको स्थिति रहने मौसमविद्हरूको अनुमान छ।
प्रतिक्रिया