काठमाडौं । पछिल्लो मनसुनी विपद्पछि इलाममा भएको जनधनको क्षति र राहत कार्यबारे राष्ट्रिय विपद् जोखिम न्यूनीकरण तथा व्यवस्थापन प्राधिकरणका प्रमुख ई. दिनेश भट्ट र संयुक्त राष्ट्रसंघीय आवासीय संयोजक हाना सिंगर हाम्डीबीच छलफल भएको छ।
शुक्रबार प्राधिकरणको कार्यालयमा भएको भेटमा प्रमुख भट्टले इलाममा भइरहेको राहत र सुरुवाती पुनःस्थापनाका कामहरूको जानकारी गराउँदै प्रभावित क्षेत्रका लागि थप सहयोग आवश्यक रहेको बताए।
संयोजक हाम्डीले युएन निकायहरू मार्फत इलाममा खाद्य, गैर-खाद्य राहत, सरसफाइ, खानेपानी र पुनःस्थापनाका क्षेत्रमा सहयोग पुर्याउने प्रतिबद्धता जनाइन्।
प्रतिक्रिया