काठमाडौं । पृथ्वी लोकमार्ग अन्तर्गत गल्छी गाउँपालिका–७ भल्टारमा आज बिहान बस र टिपर ठोक्किँदा ११ जना घाइते भएका छन्।
नेपालगञ्जबाट काठमाडौं तर्फ आउँदै गरेको लुप्र ०१–००१ख०७६६ नम्बरको बस र विपरीत दिशाबाट आएको ना८ख २५९१ नम्बरको टिपर बिहान करिब ९ बजे ठक्कर खाएका हुन्।
जिल्ला प्रहरी कार्यालय धादिङका प्रवक्ता डीएसपी प्रकाश दाहालका अनुसार घाइतेहरुलाई तत्काल उद्धार गरी नजिकैको स्मारिका फार्मेसी अस्पतालमा उपचारका लागि लगिएको छ। उनीहरु मध्यमदेखि सामान्य घाइते रहेको र सख्त घाइते कोही नभएको बताइएको छ।
दुर्घटनामा बसको अगाडिको भागमा क्षति पुगेको छ। बस र टिपर दुवैलाई सडकबाट हटाएर यातायात सञ्चालनमा ल्याइएको छ। प्रहरी घटनाको थप अनुसन्धान गरिरहेको छ।
प्रतिक्रिया