काठमाडौँ । नेपाल एसबिआई मर्चेन्ट बैंकिङले आर्थिक वर्ष २०८१/८२ को नाफाबाट आफ्ना शेयरधनीहरूलाई २५ प्रतिशत नगद लाभांश वितरण गर्ने निर्णय गरेको छ। चुक्ता पुँजीको आधारमा यसले करसहित ५ करोड रुपैयाँ बराबरको लाभांश पाउँनेछ।

बैंकको सञ्चालक समितिले असोज ५ गते बसेको बैठकमा यो प्रस्ताव पारित गरेको हो। लाभांश पारित गर्न कम्पनीले असोज २७ गते नक्साल, काठमाडौंमा बिहान ११ बजे आफ्नो १०औँ वार्षिक साधारण सभा बोलाएको छ।

सभामा आर्थिक वर्ष २०८१/८२ को वार्षिक प्रतिवेदन र लेखापरीक्षण प्रतिवेदन प्रस्तुत गरिनेछ। साथै, आगामी आर्थिक वर्ष २०८२/८३ का लागि बाह्य लेखापरीक्षक नियुक्ति र पारिश्रमिक निर्धारण गर्ने एजेन्डा पनि राखिएको छ।