काठमाडौं । नेपालमा भदौ २३ र २४ गते भएको आन्दोलनपछि ११ हजारभन्दा बढी कैदी फरार भएपछि संयुक्त अरब इमिरेट्स (युएई) ले नेपालीका लागि कामदार र भिजिट भिसा रोकिएको छ। यद्यपि युएईले औपचारिक सूचना भने जारी गरेको छैन।
भिसा आवेदनहरू निरन्तर अस्वीकृत भइरहेकाले मेनपावर कम्पनी र ट्राभल एजेन्सीहरू प्रभावित भएका छन्।
श्रम विज्ञ र व्यवसायीहरूले सरकारलाई तत्काल कूटनीतिक पहल गर्न आग्रह गरेका छन्।
श्रम विज्ञ डा. जीवन बानियाँले परराष्ट्र मन्त्री नभएको अवस्थामा प्रधानमन्त्रीले नै पहल गर्नुपर्ने बताएका छन्।
दुबईमा करिब ६ लाख नेपाली कार्यरत छन् भने भिसा रोकिए रेमिट्यान्समा समेत असर पर्ने विज्ञहरूको चेतावनी छ।
प्रतिक्रिया