कञ्चनपुर । कञ्चनपुरका नरेश धानुकले सामाजिक अपमान र कुटपिटको पीडा सहन नसकी आत्महत्या गरेका छन्।

उनले आत्महत्या गर्नु अघि सामाजिक सञ्जाल फेसबुकमा लाइभ गर्दै आफूलाई “जेनजी” भन्दै नाङ्गो पारेर कुटपिट गरिएको गम्भीर आरोप लगाएका थिए। धानुकले फेसबुक लाइभमा आँशुसहित अन्तिम सन्देश दिँदै भनेका थिए, “मलाई सोसल अत्याचार भयो। म मर्दै छु। सोसल अत्याचारकै कारण म फाँसी दिन गइरहेको छु।

कांग्रेसको व्यक्तिले मलाई कुटपिट गर्‍यो। मलाई नाङ्गै बनाएर दौडायो गाइज।” घटनाको भिडियो फेसबुकमा भाइरल भइरहेका बेला उनको मृत्युको खबरले स्थानीय क्षेत्र त्रसित बनेको छ। स्थानीय बासिन्दा र उनका आफन्तले यो घटना योजनाबद्ध अपमान र मानसिक यातनाको परिणाम भएको दाबी गरेका छन्।