काठमाडौं । कृषिमन्त्री रामनाथ अधिकारीले आइतबारको जेनजी आन्दोलनमा भएको दमन, हत्या र बल प्रयोगप्रति गहिरो क्षमायाचना गर्दै मन्त्री पदबाट राजीनामा दिएका छन् ।

राजीनामा पत्रमार्फत मन्त्री अधिकारीले शान्तिपूर्ण आन्दोलनमाथिको हिंसात्मक दमनलाईूअलोकतान्त्रिक कार्यू भन्दै गम्भीर आपत्ति जनाएका छन्। उनले भनेका छन्, “लोकतन्त्रमा प्रश्न सोध्नु र शान्तिपूर्ण विरोध गर्नु नागरिकको नैसर्गिक अधिकार हो। तर त्यसको सट्टा व्यापक दमन, हत्या र बल प्रयोग भयो। हामी लोकतन्त्र होइन, तानाशाहीतर्फ उन्मुख हुँदैछौं भन्ने डर लाग्न थाल्यो ।” उनले आन्दोलनमा सहभागी स(साना छोराछोरीहरूमाथि भएको हिंसाप्रति दुःख व्यक्त गर्दै प्रश्न गरेका छन्, “देश निर्माण गर्न सहकार्य गर्नु पर्ने पुस्तासँग कसरी युद्धजस्तो व्यवहार हुन पुग्योरु” राजीनामा पत्रमा अधिकारीले लेखेका छन्, “सरकारमा बसिरहनु मेरो नैतिकता र दलले दिएको शिक्षाको उल्लङ्घन हुनेछ। त्यसैले जनसमक्ष क्षमायाचना गर्दै मन्त्री पदबाट राजीनामा दिएको छु।”

आइतबार जेनजी आन्दोलनका क्रममा प्रहरीले चलाएको गोलीबाट १९ जना युवाको मृत्यु भएको थियो। घटनापछि देशभरि व्यापक जनआक्रोश फैलिएको छ। मन्त्री अधिकारी हालसम्म उक्त घटनाको जिम्मेवारी लिँदै राजीनामा दिने पहिलो मन्त्री बनेका हुन्।