काठमाडौं । काठमाडौं जिल्ला प्रशासनले आज बिहान साढे ८ बजेपछि काठमाडौंको चक्रपथभित्र अनिश्चितकालीन कर्फ्यू आदेश जारी गरेको छ ।

प्रमुख जिल्ला अधिकारीको आदेशअनुसार, बालकुमारी पुलदेखि कोटेश्वर चोक, सिनामंगल, गौशाला, चाबहिल, नारायणगोपाल चोक, गोङ्गबु, बालाजु, स्वयम्भू, कलंकी, बल्खु हुँदै वागमति नदी पुलसम्म पर्ने सम्पूर्ण क्षेत्र कर्फ्यूको दायरामा राखिएको छ । सोमबार जेनजीले गरेको प्रदर्शनमा प्रहरीको गोली लागेर १९ जनाको मृत्यु भएपछि थप तनाव नफैलियोस् भनी प्रशासनले कडा कदम चाल्दै कर्फ्यू आदेश जारी गरेको बताइएको छ ।

प्रशासनले सर्वसाधारणलाई कर्फ्यू पालना गर्न र सुरक्षा निकायसँग सहकार्य गर्न आग्रह गरेको छ। यता, जेनजीले भने आफ्नो आन्दोलन अहिंसात्मक र शान्तिपूर्ण रूपमा निरन्तरता दिने जनाएको छ।