धनकुटा । सहिदभूमि गाउँपालिका्को वडा न ६ स्थिति स्थानीय बिहानी युवा क्लब सुकेआहालको नेतृत्वमा सडक सरसफाइ तथा संरक्षण अभियान अगाडि बढाईएको छ । वडा नं ६ को एक्लेवर देखि मार्घ सम्म करिव ५ किलोमिटर सडक संरक्षणका लागि सरसफाइ कार्य भईरहेको छ ।

शुक्रबार दशौ दिन सडक सरसफाइ पालिकाको गेटसम्म पुगेर सम्पन्न भएको छ । सडक सरसफाइका लागि क्लबका पदाधिकारी तथा सदस्यहरु, सहित सहिदभूमि गाउँपालिका अध्यक्ष मनोज राई, वडा नं ६ का वडा अध्यक्ष हेमकुमार राई लगायतले श्रमदान गरेका छन् ।

हरेक दिन बिहान ७ बजे देखि १० बजे सम्म ५० जना स्थानीयहरु सरसफाइमा जुटिरहेको वडा नं ६ का समाजसेवी केशव राईले बताउनु भयो । अध्यक्ष राईका अनुसार गत वर्षको बाढीले सडक तथा ढलका वरिपरि झ्यास जंगल हटाई सरसफाइ गर्ने गरेका छन् । सरसफा अभियानलाई ठाकुर देवी माध्यमिक विद्यालयका शिक्षक मनकुमारी राईले श्रमदानमा सहभागीलाई ५० थान टि सर्ट वि वितरण गरिएको छ ।