काठमाडौं, १० चैत कोरोना भाईरसको संक्रमण बढ्न सक्ने भन्दै सचेत रहन जिल्ला प्रशासन कार्यालय काभ्रेले आग्रह गरेको छ ।

छिमेकी मुलुक भारतमा कोरोना भाइरसका संक्रमितको संख्या बढ्दै गएपछि सरकारले स्वास्थ्य सुरक्षा सतर्कता बढाउन आग्रह गरे अनुसार भिडिभाड नगर्न र जनस्वास्थ्यका मापदण्ड पालना गर्न प्रमुख जिल्ला अधिकारी शिवराम पोखरेलले आग्रह गर्नुभयो ।

नजिकिदै गरेको फागु पुर्णिमा होली तथा बिभिन्न चाड पर्व र जात्राहरु मनाउने क्रममा भिडिभाड हुने भएकाले त्यस्तो गतिबिधि नगर्न कार्यालयले आग्रह गरेको छ । यस्तै घर बाहिर निस्कदा वा यात्रा गर्दा दुरी कायम राख्न,मास्कको अनिवार्य प्रयोग गर्न,साबुन पानीले राम्रो सँग हात धुन तथा सेनिटाइजरको प्रयोग गर्न भनिएको छ । सार्वजनिक स्थलमा हिंडडुल गर्दा मास्क नलगाउनेलाई संक्रमण रोग ऐन २०२० बमोजिम कारवाही गरिने समेत कार्यलयले जनाएको छ ।