२०८३, २१ कार्तिक शनिबार

एमाले स्थायी कमिटी बैठकमा पहिलोपटक विद्या भण्डारी

एमाले स्थायी कमिटी बैठकमा पहिलोपटक विद्या भण्डारी


काठमाडौं । नेकपा एमालेले बिहीबार स्थायी कमिटी बैठक बस्ने भएको छ। दिउँसो १ बजे पार्टी कार्यालय च्यासलमा बस्ने बैठकमा पूर्वराष्ट्रपति विद्या भण्डारी वरिष्ठ नेताको हैसियतमा पहिलोपटक सहभागी हुने भएकी छन्।

एमाले केन्द्रीय कमिटीले केही समयअघि भण्डारीलाई वरिष्ठ नेताका रुपमा मनोनयन गरेको थियो। त्यसपछि बस्न लागेको स्थायी कमिटीको बैठकमा उनको सहभागिता हुन लागेको हो।

बैठकमा पार्टीका विभिन्न सांगठनिक जिम्मेवारी बाँडफाँट गर्ने तयारी गरिएको छ। प्रचार प्रमुख नीरज आचार्यका अनुसार केन्द्रीय सदस्यदेखि पोलिट्ब्युरो तथा स्थायी कमिटीका थप सदस्यको जिम्मेवारी टुंगो लगाउने विषय बैठकको कार्यसूचीमा छ।

यस्तै ज्येष्ठ कम्युनिष्ट मञ्च र पार्टीका विभिन्न विभागमा सदस्यको जिम्मेवारीसमेत निर्धारण गरिनेछ।

एमालेको नयाँ संरचनाअनुसार स्थायी कमिटीमा पार्टीका सम्पूर्ण पदाधिकारीसहित थप सात जना सदस्य रहेका छन्। तीमध्ये पूर्ववरिष्ठ नेता ईश्वर पोखरेल, प्रदीप ज्ञवाली, काशीनाथ अधिकारी, देवराज घिमिरे, लालबाबु पण्डित, थममाया थापा र शिवमाया तुम्बाहाङ्फे रहेका छन्।

भण्डारीको स्थायी कमिटीमा पहिलो सहभागितासँगै बैठकलाई एमालेको पछिल्लो सांगठनिक गतिविधिको महत्वपूर्ण बैठकका रुपमा हेरिएको छ।

प्रकाशित मिति : २०८३, २० आश्विन बुधबार  १० : ३० बजे

आईजीपी प्रकरणसहित समसामयिक घटनाक्रमबारे छलफल गर्न कांग्रेसले बोलायो शीर्ष नेताहरूको बैठक

काठमाडौं । नेपाली कांग्रेसले पार्टीका पदाधिकारी तथा शीर्ष नेताहरूको बैठक

भारतको चिनी निर्यात प्रतिबन्धको लाभ नेपाली उद्योगलाई, एभरेष्ट सुगरको व्यापार ३ अर्ब नाघ्यो

काठमाडौं । भारतले चिनी निर्यातमा प्रतिबन्ध लगाएपछि नेपाली बजारमा स्वदेशी

दानबहादुर कार्की हटाउन रास्वपाकै निर्देशन आएको थियो : मन्त्री पोखरेल

काठमाडौं । प्रहरी महानिरीक्षक (आईजीपी) दानबहादुर कार्कीको जिम्मेवारी फेरबदल गर्न

बाथरोग उपचारमा नयाँ पहल : धुलिखेल अस्पतालमा अन्तर्राष्ट्रिय विशेषज्ञको जमघट (तस्वीरमा)

धुलिखेल । नेपालमा बाथरोगको पहिचान र उपचारलाई प्रभावकारी बनाउने तथा